2026 წლის 18 თებერვალს 16:00 საათზე გაიმართება სს  „ საკრედიტო საინფორმაციო ბიურო კრედიტინფო საქართველოს“ აქციონერთა საერთო კრება, საზოგადოების იურიდიულ მისამართზე:  თბილისი, თარხნიშვილის ქ. #2.

კრების დღის წესრიგი:

–  სს საკრედიტო საინფორმაციო ბიურო კრედიტინფო საქართველოს 2025 წლის აუდიტირებული ფინანსური შედეგების, წლიური ანგარიშისა და წლიური ბალანსის დამტკიცება.

–     სამეთვალყურეო საბჭოს და ხელმძღვანელი ორგანოს მიერ წლის განმავლობაში გაწეული მუშაობის   მოწონება.

– გადაწყვეტილების მიღება წლიური ფინანსური შედეგების მიხედვით დივიდენდის სახით მოგების განაწილების თაობაზე.

– კომპანიის წესდებაში, სადამფუძნებლო შეთანხმებასა და აქციონერთა ხელშეკრულებაში ცვლილებების შეტანა.

– ცვლილება სამეთვალყურეო საბჭოს შემადგენლობაში.

 აქციონერებისთვის გადასაცემი მასალების ნუსხა:

1. 1. წლიური ანგარიში
2. 2. წესდების, სადამფუძნებლო შეთანხმებისა და აქციონერთა ხელშეკრულების ცვლილებების პროექტი

მასალები გაეგზავნება აქციონერებს სრულად, არაუგვიანეს 2026 წლის 13 თებერვლისა, ელ-ფოსტის საშუალებით.

კრება ჩატარდება კომპანიის ოფისში, აქციონერთა უფლებამოსილი წარმომადგენლების უშუალო მონაწილეობით, რომლებიც ადგილზე განახორციელებენ ხმის მიცემას.

გადაწყვეტილება კრების მოწვევის შესახებ ქვეყნდება მარეგისტრირებელი ორგანოს ელექტრონული პორტალის სუბიექტის ავტორიზებული მომხმარებლის გვერდზე  და კომპანიის ვებ-გვერდზე.

კრების სააღრიცხვო დღეა 2026 წლის 1 თებერვალი. საერთო კრებაში მონაწილეობისა და ხმის მიცემის უფლება აქვთ მხოლოდ იმ პირებს, რომლებიც სააღრიცხვო დღეს აქციონერებად ირიცხებიან.

სს საკრედიტო საინფორმაციო ბიურო კრედიტინფო საქართველოს

გენერალური დირექტორი ალექსანდრე გომიაშვილი